اتوار‬‮ ، 26 مئی‬‮‬‮ 2024 

فضل الرحمن سے زرداری کے معتمد خاص کی3 بار ملاقات بات کیسے بن سکتی ہے ؟مولانا نے سابق صدر کو پیغام بھجوا دیا

26  اپریل‬‮  2021

اسلام آباد ( آن لائن)پاکستان ڈیموکریٹک کے سربراہ مولانا فضل الرحمن سے سابق صدر آصف علی زرداری کے معتمد خاص کے درمیان متعدد ملاقاتوں کا انکشاف ہوا ہے ، مولانا نے ایک بار پھر پیپلز پارٹی کو سینیٹ میں اپوزیشن لیڈر کے معاملے پر پیچھے ہٹنے کا مطالبہ کر دیا ۔ذرائع نے بتایا کہ آصف علی زرداری کے معتمد خاص سینیٹر قیوم سومرو

نے گزشتہ روز 3 بار مولانا فضل الرحمن سے ملاقات کی اور انہیں آصف علی زرداری کا پیغام پہنچایا ،ملاقاتوں میں پی ڈی ایم کے مستقبل اور پیپلز پارٹی ن لیگ اختلافات پر تفصیلی بات چیت ہوئی جبکہ سینیٹر قیوم سومرو نے آصف علی زرداری کی جانب سے تمام اختلافات کو بالائے طاق رکھتے ہوئے آگے بڑھنے کا پیغام پہنچایا اور کہا کہ پی ڈی ایم سینیٹ میں یوسف رضا گیلانی کو اپوزیشن لیڈر تسلیم کریں اور مقاصد کے حصول کیلئے پی ڈی ایم آ گے بڑھے ۔ذرائع نے بتایا کہ مولانا فضل الرحمان سینیٹ میں اپوزیشن لیڈر کے معاملے پر پی پی کے اقدام پر سخت ناراضگی کا اظہار کیا ہے اور کہا کہ جے یو آئی اور مسلم لیگ (ن) اپوزیشن لیڈر کے معاملے پر کبھی آمادہ نہیں ہو سکتے،مولانا فضل الرحمن نے کہا کہ پی ڈی ایم کی جماعتوں نے مکمل مشاورت کے ساتھ پیپلز پارٹی کو چیئرمین سینیٹ کا عہدہ دیا تھا اور مکمل اعتماد کے ساتھ یوسف رضا گیلانی کو ووٹ دیا،چیئرمین سینیٹ کیلئے پیپلز پارٹی کو ووٹ دے سکتے ہیں تو اپوزیشن

لیڈر کیلئے کیوں نہیں۔مولانا فضل الرحمن نے مزید کہا کہ اصولی بات یہی ہوئی تھی کہ سینیٹ میں اپوزیشن لیڈر مسلم لیگ (ن) کا ہی ہوگا تاہم پیپلز پارٹی نے باپ کے ساتھ مل گئی اور ان سے ووٹ لیکر اپوزیشن لیڈر کا عہدہ سنبھال لیا یہ ہمارے لئے انتہائی دکھ اور افسوس کی بات ہے ،ہم

سوچ بھی نہیں سکتے کہ پی ڈی ایم کی ایک بڑی سیاسی جماعت ایسا بھی کر سکتی ہے۔مولانا فضل الرحمن نے واضح دو ٹوک الفاظ میں کہا ہے کہ پیپلز پارٹی کو پی ڈی ایم کے ان فیصلوں کو خم تسلیم کرنا ہوگا جس میں وہ خود شامل تھی ۔ ذرائع نے بتایا کہ مولانا فضل الرحمن نے ایک بار

پھر مطالبہ کیا کہ پیپلز پارٹی سینیٹ میں اپوزیشن لیڈر کے معاملے پر پیچھے ہٹ جائے تو بات بن سکتی ہے، تمام مسائل حل ہو سکتے ہیں ،پیپلز پارٹی کو ایک قدم پیچھے ہٹنا پڑے گا، اس پر سینیٹر قیوم سومرو نے کہا کہ آپ کا پیغام آصف علی زرداری تک پہنچا دوں گا ۔

موضوعات:



کالم



ایک نئی طرز کا فراڈ


عرفان صاحب میرے پرانے دوست ہیں‘ یہ کراچی میں…

فرح گوگی بھی لے لیں

میں آپ کو ایک مثال دیتا ہوں‘ فرض کریں آپ ایک بڑے…

آئوٹ آف دی باکس

کان پور بھارتی ریاست اترپردیش کا بڑا نڈسٹریل…

ریاست کو کیا کرنا چاہیے؟

عثمانی بادشاہ سلطان سلیمان کے دور میں ایک بار…

ناکارہ اور مفلوج قوم

پروفیسر سٹیوارٹ (Ralph Randles Stewart) باٹنی میں دنیا…

Javed Chaudhry Today's Column
Javed Chaudhry Today's Column
زندگی کا کھویا ہوا سرا

Read Javed Chaudhry Today’s Column Zero Point ڈاکٹر ہرمن بورہیو…

عمران خان
عمران خان
ضد کے شکار عمران خان

’’ہمارا عمران خان جیت گیا‘ فوج کو اس کے مقابلے…

بھکاریوں کو کیسے بحال کیا جائے؟

’’آپ جاوید چودھری ہیں‘‘ اس نے بڑے جوش سے پوچھا‘…

تعلیم یافتہ لوگ کام یاب کیوں نہیں ہوتے؟

نوجوان انتہائی پڑھا لکھا تھا‘ ہر کلاس میں اول…

کیا یہ کھلا تضاد نہیں؟

فواد حسن فواد پاکستان کے نامور بیوروکریٹ ہیں‘…

گوہر اعجاز سے سیکھیں

پنجاب حکومت نے وائسرائے کے حکم پر دوسری جنگ عظیم…