اسلام آباد ( آن لائن)  وزیراعظم عمران خان نے پاکستان سیٹیزن پورٹل پر ریلیف کے حوالے سے عوام کی شکایات کا نو ٹس لیتے ہو ئے 1لاکھ 55ہزار شکایات کو دوبارہ کھولنے کا حکم دیدیا ۔   وزیراعظم آفس کے مطابق پاکستان سیٹیزن پورٹل پرشکایات کے ازالے سے متعلق وزیراعظم عمران خان نے  ایکشن لیتے ہوئے ہدایت کی ہے کہ جولائی 2020ء سے دسمبر 2020ء تکغیر مطمئن شہریوں کی شکایات کو دوبارہ کھولا جائے۔ وزیراعظم آفس کا کہنا ہے کہ شکایات کو مرحلہ وار کھولا جائے گا شکایات پر نظرثانی کیلئے دوبارہ کھولی گئی شکایات اعلی افسران کو تفویض کر

دی گئی ہے ،نظرثانی شکایات کے لیے متعلقہ شہری سے رابطہ اور مجاز افسر کی رائے لازمی قرار دی جا ئے پہلے مرحلے میں جائیداد کے تنازعات، امن و امان اور انسانی حقوق سے متعلق شکایات کو دوبارہ کھولا جائے گا خیبرپختونخوا سے15ہزار، سندھ 13ہزار، بلوچستان 1800 اور اسلام آباد سے1200 شکایات شامل ہیں ۔وزیراعظم کا کہنا ہے کہ وفاقی اداروں کی 68 ہزار، پنجاب کی53ہزار شکایات پر نظر ثانی کی جائے گی عوام کے مسائل کا حل اولین ترجیح ہے شکایات کے ازالے میں کسی قسم کی کوتاہی نہ برتی جائے ۔