واشنگٹن (آن لائن) امریکہ میں 130 سے زائد گاڑیاں آپس میں ٹکرا گئیں۔ جسکے نتیجے میں چھ افراد ہلاک جبکہ متعدد زخمی ہو گئے ۔غیر ملکی خبر رساں ادارے کے مطابق امریکی ریاست ٹیکساس میں 130 سے زائد گاڑیاں ٹکرانے کا واقعہ بارش اور طوفان کے

باعث سڑک پر پھسلن کی وجہ سے پیش آیا۔حادثے میں 6 افراد ہلاک اور متعدد زخمی ہو گئے۔ زخمیوں کو فوری طور پر قریبی اسپتال منتقل کر دیا گیا۔ حکام کا کہنا ہے کہ حادثے میں کاریں اور ٹرک ایک دوسرے سے بری طرح ٹکرائے جس کی وجہ سے گاڑیوں کو شدید نقصان پہنچا۔ریسکیو اہلکاروں کے مطابق حادثے کے باعث کچھ لوگ اپنی گاڑیوں میں پھنس گئے تھے جنہیں باہر نکالنے کے لیے گاڑیوں کو کاٹنا پڑا۔ 36 افراد شدید زخمی تھے جنہیں اسپتال منتقل کیا گیا حادثے میں زخمی ہونے والوں میں تین پولیس اہلکار بھی شامل ہیں۔