اسلام آباد (این این آئی)وزیر دفاع پرویز خٹک نے کہا ہے کہ اپوزیشن کے استعفوں کا انتظار ہے، جلد سے جلد استعفے دیکر سیٹیں خالی کردیں، ہم مولانا فضل الرحمٰن کو حلوہ بھی کھلائیں گے۔نجی ٹی وی سے گفتگو کرتے ہوئے انہوں نے کہا کہ ہمیں اپوزیشن کے استعفوں کا انتظار ہے،اپوزیشن کے استعفوں
سے اس ملک کی بہتری ہوگی۔انہوں نے کہا کہ پی ٹی آئی اپوزیشن کی خالی سیٹیں جیت کر ملک کی بہتری کے لیے نئی ترامیم کرے گی۔وزیر دفاع نے کہاکہ پی ڈی ایم لانگ مارچ اور استعفوں کا شوق جلد پورا کرلے، اپوزیشن کو کھانا بھی دیں گے۔پرویز خٹک نے کہاکہ پی ڈی ایم میں شامل جماعتیں چوں چوں کا مربہ ہیں۔
