لاہور( این این آئی )پاکستان انٹر نیشنل ائیر لائنز نے کہا ہے کہ شدید دھند کی وجہ سے آئندہ چند روز تک مختلف پروازوںکا شیڈول متاثر ہونے کا خدشہ رہے گا، شدید دھند کے باعث موٹر وے کو بھی مختلف مقامات سے بند رکھا گیا تاہم مطلع صاف ہونے پر بتدریج کھول دیاگیا ۔
ترجمان پی آئی اے کے مطابق لاہور، ملتان، سیالکوٹ، فیصل آباد اور گردونواہ میں شدید دھند کی وجہ سے آئندہ چند روز پی آئی اے کا فلائٹ شیڈول متاثر ہونے کا خدشہ رہے گا ۔ اندرون ملک پروازیں حد نگاہ بہتر ہونے کی رپورٹ پر چلائی جائیں گی ۔غیر ملکی پروازیں حد نگاہ کم ہونے کے باعث متبادل ائیر پورٹ پر اتاری جائیں گی۔ ترجمان کے مطابق گزشتہ روز دھند کی وجہ سے پی آئی اے کی دمام سے آنے والی پرواز پی کے 9248 کو دھند کے باعث لاہور دہند کی بجائے اسلام آباد اتار لیا گیا جو مطلع صاف ہونے پر دوبارہ لاہور کے لئے روانہ ہوئی،مدینہ سے آنے والی پی آئی اے کی پرواز پی کے 9716 کو ملتان کی بجائے کراچی اتارا گیا جومطلع صاف ہونے پر دوبارہ ملتان کے لئے روانہ ہوئی ۔ملتان سے مدینہ روانہ ہونے والی پرواز پی کے 9715 3 گھنٹے تاخیر سے ،مدینہ سے لاہور انے والی پی آئی اے کی پرواز پی کے 9748 ساڑھے3 گھنٹے،کراچی سے فیصل آباد جانے والی پرواز پی کے 340 ایک گھنٹہ اور
فیصل آباد سے کراچی جانے والی پرواز پی کے 341 پینتالیس منٹ تاخیر سے راونہ ہوئی ۔دھند کے باعث دیگر ائیر لائز کی اندرون اور بیرون ملک سے لاہور آنیو الی پروازوں کا شیڈول بھی بری طرح متاثر رہا ۔ علاوہ ازیں ترجمان موٹر وے کے مطابق موٹر وے اہم تھری لاہور سے
عبد الحکیم تک دھند کی وجہ سے بند رہی ،ایم فور پنڈی بھٹیاں سے شام کوٹ تک ،خانیوال سے ملتان ،ٹھوکر ، چوہنگ، مراکہ، شام کی بھٹیاں اور مانگا منڈی ،پتوکی، جمبر، پھول نگر ، حبیب آ باد، رینالہ خورد،اوکاڑہ ،گیمبر ،ساہیوال، ہڑپہ اور چیچہ وطنی ،میاں چنوں، خانیوال،ملتان ، لودہراں ،بہاولپور اور لاہور سیالکوٹ موٹر وے پر بھی شدید دھند کے باعث حد نگاہ صفر رہی جس کی وجہ سے موٹر وے کو مختلف حصوں سے بند رکھا گیا اور کئی مقامات پر کانوائے میں سفر کیا گیا ۔ ترجمان کے مطابق مطلع صاف ہونے پر موٹروے کو مرحلہ وار کھول دیاگیا ۔
