اسلام آباد(مانیٹرنگ ڈیسک)مودی سرکار سائبر محاذ پر پھر سرگرم ۔بھارت کی جانب سے حساس معلومات تک رسائی کی کوششیں پکڑی گئی ہیں۔ روزنامہ جنگ میں رانا غلام قادر کی شائع خبر کے مطابق وفاقی حکومت نے بھارتی عزائم کیخلاف ایڈوائزری جاری کردی۔

ایڈ وائزری کے مطا بق ہیکرز کی بنک سلپ فائل والی ای میل کے ذریعے حساس معلومات تک رسائی کی کوشش سامنے آئی ہے۔ ایڈوائزری میں خبردار کیا گیا ہے کہ فائل ڈاون لوڈ کرنے سے ہیکرز حساس معلومات تک رسائی حاصل کرسکتے ہیں۔ یہ بھی بتا یا گیا ہے کہ ہیکرز ونڈوز سسٹم سے یوزر نیم اور پاسورڈ چوری کرسکتے ہیں۔ ایڈوائزری میں ہدایت کی گئی ہے کہ صارفین انجان ای میل ایڈریس والی ای میلز نہ کھولیں۔ یہ بھی سفارش کی گئی ہے کہ سائبر حملے سے بچنے کے لئے صرف معروف کمپنیوں کے اینٹی وائرس انسٹال کئے جائیں ۔ غیر ضروری استعمال نہ ہونے والے سافٹ وئیر و ایپلی کیشنز سسٹم سے ڈیلیٹ کرنے کی سفارش کی گئی ہے۔یہ بھی سفارش کی گئی ہے کہ تمام سافٹ ویئر بشمول ونڈوزOS اور مائیکرو سافٹ آ فس اور یگر کو با قاعدگی سے اپ ڈیٹ کیا جا ئے ۔