اسلام آباد(مانیٹرنگ ڈیسک)پاکستان پیپلز پارٹی نے سندھ اسمبلی سے استعفے نہ دینے کا فیصلہ کرلیا جس پر نواز شریف اور آصف زرداری میں اتفاق بھی ہوگیا، نجی ٹی وی کے مطابق دونوں رہنمائوں کے درمیان
رابطے میں فیصلہ ہوا کہ پیپلزپارٹی پہلے قومی اسمبلی، پھر پنجاب، خیبرپختونخوا، بلوچستان اسمبلی اور سب سے آخر میں سینیٹ میں استعفے جمع کرائے گی۔ استعفوں کی منظوری کے بعد سندھ حکومت چھوڑنے کا سوچا جائے گا۔نواز شریف نے سندھ حکومت کو تحریک کی ریڑھ کی ہڈی قرار دیا۔دوسری جانب پیپلزپارٹی ایم این اے آغا رفیع اللہ نے استعفیٰ سپیکر کے بجائے بلاول بھٹو کے نام لکھ دیا۔ آغا رفیع اللہ نے استعفے میں مخاطب پارٹی چیئرمین کو کیا جبکہ رکنیت سے استعفیٰ اسپیکر قومی اسمبلی کو لکھا جاتا ہے۔گزشتہ روز مسلم لیگ ن کے ایم این اے افضل کھوکھر اور ایم پی اے سیف الملوک کھوکھر نے اپنے استعفے مریم نواز کو جمع کروائے تھے۔
