اسلام آباد (آن لائن)مسلم لیگ (ن) کے قائد نواز شریف نے سابق وزیر اعلیٰ بلوچستان نواب اسلم رئیسانی سے ٹیلی فونک رابطہ کیا ہے اور انہیں پارٹی میں شمولیت کی دعوت دے دی ۔اسلم رئیسانی نے ن لیگ میں شمولیت کی دعوت پر نواز شریف کا شکریہ ادا کیا اور مشاورت کیلئے وقت مانگ لیا۔ ذرائع کے مطابق اسلم رئیسانی
کو پارٹی میں شمولیت کی صورت میں ن لیگ بلوچستان کا صدر بنایا جائے گا،سینیٹر سردار یعقوب خان ناصر کو ن لیگ بلوچستان کا صدر بنانے کا فیصلہ ہوا تھا مگر انہوں نے خراب صحت کے باعث معذرت کرلی۔ ذرائع کا کہنا ہے کہ اپوزیشن لیڈر شہباز شریف بھی رئیسانی خاندان کی ن لیگ میں شمولیت کے خواہش مند ہیں۔
