اسلام آباد(آن لائن) وزیرِ اعظم عمران خان نے وزارتِ مذہبی امور علماء و مشائخ کو کرونا کے پھیلاؤ کے اعشاریوں کی فراہمی یقینی بنانے کی ہدائت کی ہے۔ تفصیلات کے مطابق وزیراعظم سے وزیرِ مذہبی امور پیر نور الحق قادری نے ملاقات کی۔وزیرِ اعظم نے وزارتِ مذہبی امور کو کرونا کے حوالے سے علماء اور این سی او سی کے ساتھ مسلسل رابطے میں رہنے کی ہدایت کی۔ وزارتِ مذہبی
امور علماء و مشائخ کو کرونا کے پھیلاؤ کے اعشاریوں کی فراہمی یقینی بنائے تاکہ دینی مواعظ اور خطبات میں کرونا ایس او پیز پر عملدرامد کی تاکید منبر کے ذریعے ممکن ہو. اس موقع پر یہ بات بھی واضع کی گئی کہ مساجد کو کسی صورت بند نہیں کیا جا سکتا تاہم کرونا ایس او پیز پر عملدرآمد کی تاکید ضروری ہے۔پیر نور الحق قادری نے وزیرِ اعظم سے علماء و مشائخ کونسل کی تنظیمِ نو پر بھی مشاورت کی ۔
