لاہور (آن لائن) پنجاب حکومت نے مسلم لیگ ن کے صدر شہباز شریف اور ان کے صاحبزادے حمزہ شہباز کی پیرول پر رہائی کی مدت میں ایک دن کی توسیع دیدی۔ ترجمان پنجاب حکومت کے مطابق شہباز شریف اور حمزہ شہباز کی پیرول میں توسیع کا فیصلہ مشاورت سے کیا گیا ہے۔یاد رہے کہ گذشتہ روز مسلم لیگ ن کی جانب سے محکمہ داخلہ پنجاب کو
شہباز شریف اور حمزہ شہباز کی پیرول کی مدت میں توسیع کے لیے درخواست دی تھی۔ یہ درخواست مسلم لیگ ن کے جنرل سیکرٹری عطا تارڑ کی جانب سے دائر کی گئی۔درخواست میں مؤقف اپنایا گیا کہ شہباز شریف قومی اسمبلی میں قائد حزب اختلاف اور ایک بڑی سیاسی جماعت کے صدر ہیں جبکہ حمزہ شہباز بھی پنجاب اسمبلی میں قائد حزب اختلاف ہیں۔
