پاکستان اور چین ہر مشکل میں ایک دوسرے کے ساتھ کھڑے ہیں، پاک چین افواج کے درمیان دفاعی تعاون بڑھانے کیلئے اہم قدم اٹھا لیا گیا

  پیر‬‮ 30 ‬‮نومبر‬‮ 2020  |  23:34

راولپنڈی (این این آئی) آرمی چیف جنرل قمر جاوید باجوہ سے چین کے وزیرِ قومی دفاع جنرل وی فینگے نے ملاقات کی اور باہمی دلچسپی سمیت علاقائی سیکیورٹی سے متعلق امور پر تبادلہ خیال کیا۔انٹر سروسز پبلک ریلیشنز (آئی ایس پی آر) کے مطابقجنرل ہیڈکوارٹرز (جی ایچ کیو) میں ہونے والی ملاقات میں دوطرفہ دفاعی اشتراک بڑھانے سے متعلق امور پر بھی تبادلہ خیال کیاگیا۔چین کے وزیر قومی دفاع نے علاقائی امن کے لیے پاک فوج کی مخلصانہ کوششوں کے علاوہ چین پاکستان اقتصادی راہداری (سی پیک) منصوبوں کے لیے محفوظ ماحول فراہم کرنے کی پاک فوج کی کوششوں کو


بھی سراہا۔آئی ایس پی آر کے مطابق آرمی چیف نے علاقائی و عالمی فورمز پر تمام اہم ایشوز پر پاکستان کی غیرمتزلزل حمایت پر چین کا شکریہ ادا کیا۔ آرمی چیف جنرل قمر جاوید باجوہ نے کہاکہ ہم ایک دوسرے کیساتھ کھڑے ہوئے ہیں، مستقبل کے چیلنجز کے تناظر میں ہمارے تعلقات پر کوئی فرق نہیں پڑے گا۔دونوں رہنماؤں کی ملاقات کے بعد وفد کی صورت میں مذاکرات ہوئے جس میں دونوں افواج کے درمیان دفاعی تعاون بڑھانے کیلئے مفاہمتی یادداشت پر بھی دستخط کیے گئے۔اس سے قبل جی ایچ کیو پہنچنے پر چینی وزیر قومی دفاع نے یادگارشہداء پر پھول رکھے اور پاک فوج کے چاق و چوبند دستے نے مہمانوں کو گارڈ آف آنر پیش کیا۔


موضوعات:

زیرو پوائنٹ

ایک غلط گیند

آپ اگر موجودہ سیاسی حالات کو سمجھنا چاہتے ہیں تو پھر آپ کو دو شخصیات اور مضبوط ترین ادارے کا تجزیہ کرنا ہو گا‘ پہلی شخصیت عمران خان ہیں‘ عمران خان کے تین پہلو ہیں‘ یہ فاسٹ بائولر ہیں‘ عمران خان نے 20سال صرف بائولنگ کرائی اور بائولنگ بھی تیز ترین چناں چہ یہ فاسٹ بائولنگ ان کی شخصیت کا ....مزید پڑھئے‎

آپ اگر موجودہ سیاسی حالات کو سمجھنا چاہتے ہیں تو پھر آپ کو دو شخصیات اور مضبوط ترین ادارے کا تجزیہ کرنا ہو گا‘ پہلی شخصیت عمران خان ہیں‘ عمران خان کے تین پہلو ہیں‘ یہ فاسٹ بائولر ہیں‘ عمران خان نے 20سال صرف بائولنگ کرائی اور بائولنگ بھی تیز ترین چناں چہ یہ فاسٹ بائولنگ ان کی شخصیت کا ....مزید پڑھئے‎