لاہور (آن لائن) وفاقی اور پنجاب حکومتوں کی وعدہ خلافیوں سے تنگ آکر پنجاب اسمبلی میں پاکستان تحریک انصاف کے 20 اراکین پر مشتمل ہم خیال گروپ ایک مرتبہ پھر متحرک ہوگیا ہے۔
ذرائع کے مطابق پنجاب اسمبلی میں پاکستان تحریک انصاف کے اراکین پنجاب اسمبلی کے 20 ارکان میں سے 16 ارکان کا رات گئے اجلاس منعقد ہوا۔ جس میں پنجاب حکومت کی جانب سے ترقیاتی فنڈز نہ ملنے پر اظہار خیال کیا گیا اور فیصلہ کیا گیا کہ اپنے مسائل کو حل کروانے کے لئے رواں ہفتے کے دوران پی ٹی آئی حکومت کا ہم خیال گروپ وزیراعلیٰ پنجاب سردار عثمان بزدار سے ملاقات کرے گا۔ یہ بھی بتایا گیا ہے کہ گزشتہ رات ہونے والے ہم خیال گروپ کے اجلاس میں 20 میں سے 16 اراکین پنجاب اسمبلی نے شرکت کی جبکہ 4 ارکان پنجاب اسمبلی ذاتی مصروفیات کے باعث اجلاس میں شرکت نہ کرسکے۔
