اسلام آباد (آن لائن) بھارتی جاسوس کلبھوشن یادیو کو دی گئی قونصلر رسائی کی ممکنہ اندرونی کہانی سامنے آ گئی ۔ ذرائع کا کہنا ہے کہ بھارتی ناظم الامورگوارو آہلووالیا نے کلبھوشن یادیو سے کہا کہ آپ دماغی طو ر پر غیر حاضراور پاگل محسوس ہورہے ہو جس کے بعد
کلبوشن یادیو نے بھی انڈین حکام کو کھری کھری سنادیں۔ تفصیلات کے مطابق سفارتی ذرائع کا کہنا ہے کہ کلبھوشن نے بھارتی سفارتکاروں کا گھناؤنا منصوبہ ناکام بنا دیا۔ سفارتی ذرائع کا کہنا ہے کہ بھارتی ناظم الامور گوروو آہلووالیا کی کلبھوشن جا دیو سے تلخ کلامی ہوئی ہے ۔ذرائع کا کہنا ہے کہ بھارتی ناظم الامور نے کلبھوشن کو دماغی طور پر غیرحاضر اور پاگل قرار دے دیا۔ ذرائع کا کہنا ہے کہ کلبھوشن نے غصے میں بھارتی ناظم الامور کو کھری کھری سنادیں اور کہا کہ آپ ایک نیوی کے سینئر کمیشن افسر کو پاگل اور دماغی غیر حاضر کیسے کہہ سکتے ہیں۔کلبھوشن کا کہنا تھا کہ میں بالکل ہشاش بشاش، تندرست اور دماغی طور پر مکمل حاضر ہوں ۔ذرائع کا کہنا ہے کہ بھارتی ہائی کمیشن کے صرف ایک سفارتکار کو کلبھوشن سے ملاقات کی اجازت دی گئی۔ ذرائع کا کہنا ہے کہ بھارتی ناظم االامور کے اصرار پر دو سفارتکاروں کو ملاقات کروائی گئی ۔ ذرائع کا کہنا ہے کہ ، کلبھوشن کا پاکستانی اعلی حکام سے مکالمہ کرتے ہوے کہا ہے کہ کیا میں پاکستان میں بھی بہت مشہور ہوں۔
