اسلام آباد ( آن لائن)انسٹی ٹیوٹ آف پالیسی ریسرچ نے اپنی رپورٹ میں انکشاف کیا ہے کہ بھارتی سوشل میڈیا پر پاکستان کے خلاف زہر آلود پروپیگنڈے میں اضافہ ہوگیا ہے ،ڈیجیٹل میڈیا پر پاکستان کے خلاف ہندوستانی پروپیگنڈہ کی نشاندہی ہوئی ہے،2018 ء کے عام انتخابات کے بعد پاکستان مخالف پروپیگنڈے میں تیزی آئی ، گزشتہ تین ماہ اگست 2020ء سے
اب تک ہندوستانی پروپیگنڈے کے چار بڑے اہداف رہے ،رپورٹ کے مطابق مرکزی اور اہم ہدف چیئرمین سی پیک لیفٹیننٹ جنرل ریٹائرد عاصم سلیم باجوہ رہے ،بھارتی پروپیگنڈے میں پاک فوج کے خلاف مہم دوسرا بڑا ٹارگٹ رہا، پاکستان میں انتشار اور بدامنی پھیلانے کیلئے زہر افشانی تیسرا بڑا ہدف نظر آیا،کشمیر پر پروپیگنڈا اور سی پیک پر بھی پراپیگنڈہ جاری ہے ۔
