لاہور،گوجرانوالہ(این این آئی،مانیٹرنگ ڈیسک ) ن لیگ کے باغی رہنما مولانا غیاث الدین نے کہا ہے کہ ن لیگ پیسے کے زور پر گھر میں ہی عہدے تقسیم کر لیتی ہے۔ گوجرانوالہ میں پریس کانفرنس کرتے ہوئے انہوں نے کہا کہ ہم خاندانی طور پر مسلم لیگی ہیں۔
ن لیگ نے پچھلے الیکشن میں میرے ساتھ کئی زیادتیاں کیں۔ان کا کہنا تھا کہ ن لیگ کو محسوس ہو گیا ہے کہ ان کے کئی پرندے پرواز کرنے والے ہیں، یہ ناامیدی کا شکار ہیں اس لئے اب ان کی زبان دراز ہو چکی ہے۔ انہوں نے کہا کہ ن لیگ سمجھتی ہے کسی سے سلام لینا پارٹی کو چھوڑ دینا ہے، غریبوں کے حامی بننے والوں ملک کا لوٹا ہوا مال واپس لائیں، میں دین کا خدمت گار ہوں مجھے ٹکٹ دینا ن لیگ کی مجبوری تھی۔ ان کا کہنا تھا کہ اپوزیشن استعفے دینے کا کہتی ہے اگر ان میں ہمت ہے تو استعفیٰ دے کر دکھائیں، دوسری جانبمسلم لیگ (ن) کے رکن پنجاب اسمبلی میاں عبدالرئوف نے کہا ہے کہ مسلم لیگ (ن) کے ٹکٹ پر کامیاب ہوکر تحریک انصاف کی قربت میں جانے والے غدار ہیں،ہم ان غدار وں کی اصلیت سامنے لائیں گے، (ن) لیگ کے اراکین باغی ارکان کیخلاف سرگرم ہو گئے ہیں،ہم لوٹوں کا راستہ روکیں گے۔ اپنے بیان میں انہوں نے کہاکہ پارٹی کا ٹکٹ لے کر ایوان میں آنے والے جب اپنے مفادات کے لئے پارٹی بدل لیںتوان کا محاسبہ کیا جانا ضروری ہے، پارٹی بلدلنے والوں کے خلاف آواز بلند کرنا ہمارا فرض ہے، ہم اپنا فرض ادا کرتے رہیں، پارٹی بدلنے والے اراکین جب پنجاب اسمبلی میں آئیں گے تو ہم ان کامحاسبہ کریں گے۔
