اسلام آباد (این این آئی)سابق وزیر اعظم محمد نوازشریف کے ترجمان محمد زبیر نے کہا ہے کہ نوازشریف کا کبھی امام خمینی سے موازانہ نہیں کیا، صرف کہا تھا آیت اللہ خمینی نے بھی باہر رہ کر جدوجہد کی تھی۔ایک انٹرویومیں انہوں نے کہا کہ مریم نواز باہر نکلنے اور جیل جانے کیلئے تیار ہیں۔انہوں نے کہاکہ دو سالوں کے اندر اس حکومت نے پانچ مرتبہ ایف بی آر
کے چیئرمین کو تبدیل کیا گیا ہے انہوں نے اداروں کو تباہ کر دیا ہے۔لیگی رہنما نے کہا کہ مریم نواز کہ چکی ہیں کہ حکومت کے پاس پڑا ہوا میرا پاس پورٹ جلا دیں مگر ہم ان سے ڈرنے والے نہیں ہیں۔انہوں نے کہا کہ حکومت کی ٹانگیں کانپ رہی ہیں، یہ لوگ ہمارے خلاف غداری کے مقدمے قائم کر رہے ہیں جن سے ہمار آدھا کام اذسان ہو گیا ہے۔
