لاہور( این این آئی)چیئر پرسن قائمہ کمیٹی داخلہ مسرت جمشید چیمہ نے طلال چوہدری کی میڈیاکوریج پر پابندی کیلئے پیمرا کو خط لکھ دیا ۔چیئرمین پیمرا کے نام لکھے گئے خط کے متن میں کہا گیا ہے کہ طلال چوہدری خواتین کو تنگ کرنے جیسے گھنائونے جرم میں ملوث پایا گیا ہے ،(ن) لیگ کی جانب سے انہیں

سزا دینے کی بجائے نوازا جا رہا ہے، یہ اقدام گھنائونے جرم میں ملوث طلال چوہدری کی حوصلہ افزائی ہے ۔ خط کے متن میں مزید کہا گیا کہ پیمرا کو اس سلسلے میں سخت اقدام اٹھاتے ہوئے طلال چوہدری کی ٹاک شوز اور میڈیا کوریج پر پابندی لگانی چاہیے،ایسے مجرم رول نشان عبرت بننے کے لائق ہوتے ہیں۔