” میں کراچی پھل بیچنے نہیں آیا” شہباز شریف کا کراچی میں پرتپاک استقبال ‎

2  ستمبر‬‮  2020

کراچی (مانیٹرنگ ڈیسک، ا ین این آئی )قائد حزب اختلاف شہبازشریف آج کراچی پہنچے جہاں ان کا پرتپاک استقبال کیا گیا ،شہریوں نے ان کے سامنے مسائل کے انبار لگا دئیے ،اس موقع پر صحافیوں سے مختصر گفتگو کرتے ہوئے انہوں نے کہا کہ پاکستان نوازشریف کا ملک ہے ۔

جب علاج مکمل ہو گا تو نوازشریف واپس آ کر پیش ہو جائیں گے ۔ صحافی نے اپوزیشن لیڈر سے سوال کیا کہ پورا ملک مسائل کا شکار ہے ، اپوزیشن فعال کب ہو گی ؟ جس پر شہبازشریف نے جواب دیتے ہوئے کہا کہ میں کراچی پھل بیچنے نہیں آیا ہوں ۔دریں اثنا متاثرین سے خطاب کرتے ہوئے انہوں نے کہاکہ انسانی جان کی قیمت نہیں ہوسکتی لیکن جاں بحق ہونے والوں کے اہلخانہ کی مالی مدد کی جائے ۔ انہوںنے کہاکہ جن گھروں میں سیلاب سے اموات ہوئی ہیں، مالی امداد کی فراہمی سے ان کی مشکلات کم کی جائیں ۔ انہوں نے کہاکہ مکانات، دکانوں اور فصلوں کے نقصانات کا سامنا کرنے والوں کو معاوضہ ادا کیاجائے ۔ انہوں نے کہاکہ وفاقی حکومت صوبائی حکومت کی مشاورت سے امدادی پیک کا اعلان کرے ۔ انہوں نے کہاکہ وزیراعظم عمران خان کو سیلاب سے متاثرہ عوام کا کوئی احساس نہیں، انہیں کراچی آنے کی توفیق تک نہ ہوئی ۔ انہوں نے کہاکہ وزیراعظم فضول باتوں میں وقت ضائع کرنے کے بجائے مصیبت میں گھرے عوام کی خدمت پر توجہ دیں ۔

انہوں نے کہاکہ مصیبت زدہ عوام وفاق کی طرف دیکھ رہے ہیں۔ انہوں نے کہاکہ وفاقی حکومت سیاست کے بجائے اپنا فرض پورا کرے اور سندھ حکومت کی مدد کرے ۔ انہوں نے کہاکہ مسلم لیگ (ن) کے کارکن گھر گھر جاکر امدادی کاموں میں ہاتھ بٹائیں اور دین ودنیا دونوں کمائیں ۔

اس معاملے میں ذاتی طورپر نگرانی کروں گا، پارٹی کی قیادت اور کارکنان مصیبت زدہ عوام کے ساتھ ہیں ۔ انہوں نے کہاکہ انشاء اللہ یہ مصیبت کا وقت ٹل جائے گا، متاثرین سے یک جہتی کرنے کراچی آیا ہوں ۔ انہوں نے کہا کہ عوام سیلاب، مہنگائی اور غربت میں پھنسی ہے۔

وزیراعظم ‘این۔آر۔او نہیں دوں گا’ میں پھنسے ہوئے ہیں ۔ انہوںنے کہاکہ آٹے، چینی اور اشیائے ضروریہ کی قیمتیں آسمان سے باتیں کررہی ہیں، وزیراعظم ‘این آر او کے جھوٹے بیانیے کے پیچھے چھپ رہے ہیں ۔ انہوں نے کہاکہ وزیراعظم عوام کے مسائل حل کریں۔

ورنہ قوم انہیں معاف نہیں کرے گی ۔ شہبازشریف نے ملیر کے پارٹی رہنماوں فروز خان، ملک تاج اورحاجی امین مانا سمیت کارکنان کا شکریہ ادا کیا۔قبل ازیں شہبازشریف نے ملیر میں پارٹی رہنماوں فروز خان، ملک تاج اورحاجی امین مانا سمیت دیگر کارکنوں سے بھی ملاقات کی۔

شہباز شریف نے کہا کہ مسلم لیگ (ن)کے قائد نواز شریف کا پیغام ہے وفاق سندھ حکومت کے ساتھ بھرپور تعاون کرے اور حکومت مناسب مالی معاونت کا بندوبست کرے۔انہوں نے زور دیا کہ کراچی میں نواز شریف کے شروع کیے گئے گرین لائن منصوبے کو فوری طور پر مکمل کیا جائے اور متعلقہ وزرا سمیت تمام اسٹیک ہولڈرز سے ملیں اور مسائل کا حل تلاش کریں۔

موضوعات:



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…