اسلام آباد(مانیٹرنگ ڈیسک)دہشت گردوں نےپاکستان سٹاک ایکسچینج پر حملہ کردیا۔نجی ٹی وی کے مطابق مسلح افراد نے پہلے سٹاک ایکسچینج کے گیٹ پر دستی بم حملہ کیا جس کے بعد فائرنگ کی۔پولیس ذرائع کا کہنا ہےکہ دستی بم حملے اور فائرنگ میں 4 افراد زخمی ہوئے ہیں جن میں پولیس اہلکار، اسٹاک ایکسچینج کا سکیورٹی گارڈ اور 2 شہری شامل ہیں جنہیں فوری طبی امداد کے لیے ہسپتال منتقل کردیا گیا۔
ذرائع کا کہنا ہےکہ چار مسلح ملزمان اسٹاک ایکسچینج میں موجود ہیں اور ان کی طرف سے فائرنگ کا سلسلہ جاری ہے جب کہ پولیس اور رینجرز نے سٹاک ایکسچینج کو مکمل گھیرے میں لے لیا،پولیس حکام کا بتانا ہےکہ سکیورٹی اہلکار اسٹاک ایکسچینج میں داخل ہونے کی کوشش کررہے ہیں، اسٹاک ایکسچینج کو مکمل طور پر خالی کرایا جارہا ہے جب کہ قریبی علاقوں کا بھی مکمل محاصرہ کرلیا گیا۔
