اسلام آباد(مانیٹرنگ ڈیسک)وزیر اعظم عمران خان کے کرونا ٹیسٹ کے معاملے پر سینئر صحافی صابر شاکر کا کہنا ہے کہ یہ خبر غلطی سے نہیں چلی بلکہ چلوائی گئی تھی۔اس وقت میڈیا میں کچھ لوگوں کے اپنے مفادات ہیں۔

وہ ان خبروں کو ہوا دے رہے ہیں۔پہلے یہ خبر چلوائی گئی کہ وزیراعظم عمران خان کو کورونا وائرس ہوگیا ہے، یہ خبر اس وقت چلوائی گئی جب وہ اجلاس کی صدارت کر رہے تھے جس میں آرمی چیف اور ڈی جی آئی ایس آئی سمیت تمام وزراء بھی موجود تھے۔یہ خبر پہلے چلوائی گئی،بعدازاں اس کی تردید بھی خود ہی کروادی اور کہا گیابرطانوی وزیراعظم کی جگہ عمران خان کا نام لکھا گیا۔اس طرح سے یہ ایک خطرناک کھیل کھیلا جا رہا ہے۔اس کھیل میں ہمارے کچھ دانشور دوست اور کچھ اپوزیشن کے لوگ شامل ہیں جن کے اپنے مفادات ہیں۔ان سے بس یہی گزارش ہے کہ کہ پوری زندگی سیاست کرنے کے لئے پڑی ہے اس وقت ایسا مت کریں۔خیال رہے کہ برطانوی سیٹلائٹ چینل کی جانب سے یہ خبر سامنے آئی تھی کہ وزیراعظم عمران خان کا کورونا ٹیسٹ مثبت آگیا ،دوسر ی جانب پاکستان تحریکِ انصاف نے برطانوی میڈیا پر چلنے والی وزیراعظم عمران خان کا کورونا ٹیسٹ مثبت آنے کی خبروں کی تردید کی تھی۔

موضوعات:کرونا وائرس