اسلام آباد (مانیٹرنگ ڈیسک)ن لیگ کے قائد نواز شریف اور سینئر سیاستدان چوہدری نثار کے درمیان صلح کیلئے آخری کوشش کے طور پر اسحاق ڈاربھی متحرک، رواں ہفتے چو ہدری نثار کی لندن روانگی کی اطلاعات ، جبکہ شہباز شریف، اسحاق ڈار پہلے سے وہاں موجود ہیں۔دنیا نیوز کے مطابق لاہور ہائیکورٹ کی طرف سے مریم نواز کے لندن جانے کا فیصلہ رواں ہفتے متوقع ہے، ریلیف ملنے کی صورت میں ن لیگ کی نائب صدر مریم نواز فوری لندن جائیں گی۔
رپورٹ کے مطابق چوہدری نثار کی لندن میں ذاتی مصروفیات ہیں جس میں خاندان کے دیگر افراد بھی ان کے ساتھ ہونگے۔ لندن موجودگی کے دوران ان کی نواز شریف کے ساتھ ملاقات کی کوشش کی جائے گی جس کیلئے شہباز شریف اور اسحاق ڈار راہ ہموار کر رہے ہیں۔اسحاق ڈار، چوہدری نثار کو مشورہ دیں گے کہ وہ نوازشریف کی عیادت کیلئے ان کی رہائش گاہ پر جائیں اور بیگم کلثوم کی وفات پر ان کے ساتھ تعزیت کریں، چوہدری نثار اگر اس پر راضی ہوگئے تو برف پگھلنا شروع ہو گی۔
