اسلام آباد (مانیٹرنگ ڈیسک)گندم، آٹا اور چینی کا بحران، وزیراعظم نے چیئرمین مسابقتی کمیشن کو برطرف کر دیا، وادیا خلیل کو پہلے بھی برطرف کیا گیا تھا، بعد ازاں ہائیکورٹ کے حکم پر دوبارہ بحال ہوئی تھیں، عمران خان نے اٹارنی جنرل کو ان کیخلاف سخت کاروائی کرنے کا حکم دے دیا۔ تفصیلات کے مطابق وزیراعظم عمران خان کو پیش کردہ رپورٹ میں انکشاف کیا گیا ہے کہ ملک میں آٹے، گندم اور چینی کا بحران پیدا ہونے کا اصل ذمے دار قومی مسابقتی کمیشن ہے۔
رپورٹ کا جائزہ لینے کے بعد وزیراعظم نے چیئرمین مسابقتی کمیشن وادیا خلیل کو فوری برطرف کرنے کا حکم دیا ہے۔ جبکہ اٹارنی جنرل کو ہدایت کی گئی ہے کہ چیئرمین مسابقتی کمیشن کیخلاف سخت ترین قانونی کارروائی عمل میں لائی جائے۔ذرائع کے مطابق آٹا، چینی اور گندم کی ڈیمانڈ اور قیمتوں کو بڑھنے سے روکنے کی ذمے داری مسابقتی کمیشن کی تھی، تاہم کمیشن اپنی ذمے داری سنبھالنے میں ناکام رہا۔
