اسلام آباد(مانیٹرنگ ڈیسک)پاک فوج کے سابق ترجمان میجر جنرل آصف غفور کی گاڑی کو موٹر وے پر سرگودھا کے قریب حادثہ ،وہ اور ان کی اہلیہ محفوظ رہے ۔تفصیلات کے مطابق سوشل میڈیا خصوصاً ٹوئٹر پر میجر جنرل آصف غفور کی گاڑی کے حادثے کی خبر اوسز انرجی کے ڈائریکٹر اسامہ قریشی نے شیئر کی جس کے بعد ان کے چاہنے والے ان کی خیریت دریافت کر نے لگے۔اسامہ قریشی کے ٹوئٹ کے مطابق حادثہ 3 فروری کو صبح سویرے پیش آیا۔

میجر جنرل آصف غفور کی جگہ تعینات ہونے والے ڈی جی آئی ایس پی آر میجر جنرل بابر افتخار کے ٹوئٹ کے مطابق آصف غفور اس وقت سعودی عرب میں ہیں جہاں انہوں نے عمرے ادا کیا۔ وفاقی وزیر سائنس و ٹیکنالوجی فواد چوہدری کے تازہ ٹوئٹ نے بھی سابق ڈی جی آئی ایس پی آر کی کار حادثے کی خبر کی تصدیق کر دی ہے۔سوشل میڈیا صارفین بھی میجر جنرل آصف غفور کی تصویریں شیئر کرتے ہوئے ان کی خیریت کی دعا کر رہے ہیں۔