مکہ(آن لائن )پاکستان میں اس وقت مہنگائی کا طوفان ہے ،غریب کا جینا عذاب بن گیا ہے ،حکومت نا اہل لوگوں کے ہاتھوں میں ہے، عوام بددعائیں دینے پر مجبور ہیں، مکہ میں مقیم پاکستانی نا اہل حکومت سے نجات کے لیے حرم میں خصوصی دعا کیا کریں، ہم نے جو حکومت ہٹانے کی تحریک شروع کی ہے وہ انشا اللہ کامیابی طرف جا رہی ہے۔
ان خیالات کا اظہار جمعیت علمائے اسلام (ف) کے سربراہ مولانا فضل الرحمان نے مکہ میں تقریب سے خطاب میں کیا ۔جمعیت علما اسلام ف مکہ مکرمہ کے زیر اہتمام مقامی ھوٹل میں مولانا فضل الرحمن کے اعزاز میں تقریب کا اہتمام کیا گیا جس میں سعودی عرب کے تمام شہروں سے پارٹی زمہ دران اور کارکنان نے بڑی تعداد میں شرکت کی ،تقریب کی صدارت قاری محمد الیاس اور قاری شوکت نے کی۔ تقریب سے خطاب کرتے ہوئے مولانا فضل الرحمن نے کہا کہ ہم نے حکومت ہٹانے کے لیے دھرنے کے زریعہ جو تحریک شروع کی ہے وہ جاری ہے تحریکیں سمندر ہوتی ہیں جن میں اتار چڑھائو آتا رہتا ہے ہم نے جدوجہد جاری رکھنی ہے اور جو لوگ ہمارے دھرنے کا مذاق اڑاتے تھے کہ یہ شر پسند ہیں ہم نے مکمل پرامن لاکھوں کی عوام پر مشتمل کامیاب دھرنا دیکر ثابت کیا ہے ہم پرامن لوگ ہیں ۔پاکستان کی ترقی میں اوورسیز کا سب سے زیادہ کردار ہے، تقریب سے متحدہ مجلس عمل کے پارلیمانی لیڈر مولانااسد محمود، مشہور شاعر سید سلمان گیلانی، خلیل سارنگزء سابق وزیر بلوچستان، انجینئر عبدالصبور جنرل سیکرٹری جمعیت شرکت کی۔تقریب کے آخر میں ضلع مانسہرہ سے تعلق رکھنے والی معروف کاروباری و سماجی شخصیت قاری شوکت نے تقریب میں شریک تمام مہمانوں کا شکریہ ادا کیا ۔
