اسلام آباد(آن لائن)پاکستان مسلم لیگ کے قائد میاں نواز شریف نے سیاسی جانشین بنانے کے لیے اپنے نواسے جنید صفدر کو چن لیا ہے ۔سیاسی ٹریننگ کا آغاز کردیا گیا ہے ۔انتہائی معتبر ذرائع سے معلوم ہوا ہے کہ پاکستان مسلم لیگ کے قائد میاں نواز شریف جب لندن پہنچے توانکا سیاست سے متعلق تمام تر یقین اٹھ چکے تھے ۔نواز شریف سمجھتے ہیں کہ انکی غیر موجودگی میں انکی بیٹی مریم نواز کو فیملی ہی نہیں چلنے دیگی اور حمزہ شہباز اور مریم نواز میں اختلافات مزید پیدا ہو جائیں گے۔ذرائع کا کہنا ہے کہ یہ بات اٹل ہے
کہ میاں نواز،شہباز،کا سیاست میں کوئی کردار باقی نہ رہے گا اور مریم نواز کو پارٹی کے سینئر رہنما کسی صورت قبول نہیں کریں گے اور حمزہ بھی مریم کے راستہ میں رکاوٹ بنیں گے اس صورتحال کے پیش نظر میاں نواز شریف نے اپنے نواسے جنید صفدر پر ہی نظریں جمالی ہیں اور انہیں سیاست کے لیے باقاعد ہ ٹریننگ دی جا رہی ہے ،جنید صفدر کی پارٹی میں معقول جگہ بنانے کے لیے باقاعدہ لابنگ بھی شروع کی گئی ہے اور یہ ٹاسک مسلم لیگ کی خواتین اور چند بااعتماد دوستو ں کو دیا گیا ہے ۔ذرائع نے بتایا کہ مریم نواز کی جانب سے پارٹی عہدہ خالی کرنے کے پیچھے بھی یہ راز کارفرما ہے اور توقع ظاہر کی جارہی ہے کہ مریم نواز والا پارٹی عہدہ انکے بیٹے جنید صفدر کو سونپ دیا جائے اس حوالہ سے مشاورت کا عمل جاری ہے ۔
