اسلام آباد (مانیٹرنگ ڈیسک) ترکی کے صدررجب طیب اردگان آئندہ سال فروری میں پاکستان آئیں گے۔میڈیا رپورٹس کے مطابق ترک صدر رجب طیب اردگان آئندہ سال فروری کے مہینے میں پاکستان کا دورہ کریں گے۔ترک صدر بڑے کاروباری وفد کے ساتھ پاکستان آئیں گے۔ترک صدر پاکستان کے دورے کے دوران کئی اہم ملاقاتیں بھی کریں گے۔پاک ترک اعلیٰ تزویراتی کونسل کا اہم اجلاس بھی ہو گا۔ترک صدر اور وزیراعظم عمران خان اجلاس
کی مشترکہ صدارت کریں گے۔دریں اثناترک صدر رجب طیب اردوان کا کہنا ہے کہ اچھا ہوتا اگر ترتیب شدہ پروگرام کے تحت عمران خان کوالالمپور کانفرنس میں شرکت کرتے۔ترک صدر طیب اردوان نے پاکستانی میڈیا سے گفتگو میں کہا کہ مستقبل میں پاک ترک تعلقات مزید مضبوط ہوں گے، دونوں ممالک کے تعلقات میں مسلسل بہتری آرہی ہے جب کہ باہمی تجارت کا حجم اور اسٹریٹجک شراکت داری کے لحاظ سے تعلقات بہتر ہورہے ہیں۔
