اسلام آباد(مانیٹرنگ ڈیسک)وفاقی دارالحکومت اسلام آباد کے علاقے کراچی کمپنی میں قتل فوجی ایس ایس جی کمانڈو میجر لاریب حسن ِگل قتل کیس میں گرفتار لڑکی نے پولیس کو بیان رکارڈ کرا دیا ۔نجی ٹی وی کے مطابق پولیس کی حراست میں زیر تفتیش لڑکی علینہ نے اپنے بیان میں کہا ہے کہ میں اور میجر لاریب پارک میں بیٹھے ہوئے تھے کہ دو افراد ڈکیتی کی غرض سے ہمارے سامنے آ کر کھڑے
ہو گئے،لڑکی کے بیان کے مطابق ایک شخص کے پاس پسٹل تھا اور انہوں نے ہم سے کہا جو کچھ بھی ہمارے پاس ہے نکال دیں۔علینہ نے پولیس کوبتایا ہے کہ میجر لاریب نے ذرا توقف کیا تو ملزمان نے لاریب کے منہ پر لات ماری۔ لڑکی کے مطابق ملزمان نے پسٹل سے فائر کر دیا اور گولی میجر لاریب کے سر پہ لگی، جس سے وہ موقع پر ہی ہلاک ہوگئے۔ میجر لاریب کے ساتھ ان کے خاندانی تعلقات تھے۔
