اسلام آباد (این این آئی)وزیر اعظم عمران خان نے مسلم لیگ(ن) کے قائد میاں محمد نواز شریف کی صحت کے حوالے سے نیک خواہشات کا اظہار کرتے ہوئے انہیں علاج کی بہترین سہولیات کی فراہمی کی ہدایت کی ہے۔سماجی رابطوں کی ویب سائٹ ٹوئٹر پر اپنے پیغام میں وزیر اعظم نے اپنی سیاسی حریف اور مسلم لیگ(ن) کے قائد نواز شریف کے لیے نیک تمناؤں کا اظہار کیا۔عمران خان
نے کہا کہ سیاسی اختلافات اپنی جگہ لیکن میں صدقِ دل سے نواز شریف کی صحتیابی کے لیے دعاگو ہوں اور انہیں علاج معالجے کی بہترین ممکنہ سہولیات فراہم کرنے کے لیے تمام متعلقہ حکام کو ہدایات دے چکا ہوں۔یاد رہے کہ وزیر اعظم نے بدھ کو وزیر اعلیٰ پنجاب سردار عثمان بزدار کو خصوصی طور پر ہدایات جاری کی تھیں کہ مسلم لیگ(ن) کے قائد کو علاج کی بہترین سہولیات فراہم کی جائیں۔
