اسلام آباد(مانیٹرنگ ڈیسک)جے یو آئی (ف) کے سربراہ مولانا فضل الرحمان کے خلاف اندراج مقدمہ کے لئے سی پی او فیصل آباد کو درخواست دے دی گئی ۔روزنامہ 92کے مطابق ضلع کچہری میں بطورپیرالیگل خدمات سرانجام دینے والے درخواست گزار ندیم بابر نے موقف اختیار کیا کہ فضل الرحمن کی جانب سے باوردی
جتھہ تشکیل دیناآئین کے آرٹیکل 124کی کھلم کھلا خلاف ورزی ہے لہذاان کے خلاف تادیبی کارروائی کی جائے ۔فیصل آباد تھانہ سرگودھا روڈ پولیس کا کہنا ہے کہ ندیم بابر کی درخواست لیگل رائے کے لئے ایس پی لیگل کو بھیج دی گئی ہے ۔ لیگل رائے آنے پر قانون کے مطابق کارروائی عمل میں لائی جائے گی۔
