لاہور( آن لائن )نیب نے اپوزیشن لیڈر شہباز شریف کو ایک اور کیس میں نوٹس جاری کرنے کا فیصلہ کر لیا ہے۔تفصیلات کے مطابق نیب کی ٹیم پرسوں شہباز شریف کے گھر جائے گی۔شہباز شریف سے لاہور سالڈ ویسٹ مینجمنٹ کمپنی سے متعلق سوال کیے جائیں گے۔
نیب نے اس حوالے سے سوالنامہ بھی تیار کر لیا ہے۔نیب کی تین رکنی ٹیم شہباز شریف سے تحقیقات کے لیے پرسوں ان کی رہائشگاہ جائے گی۔شہباز شریف سے آمدن سے زائد اثاثوں اور رمضان شوگر ملز سے متعلق بھی سوال کیے جائیں گے۔نیب کی ٹیم اس سے قبل بھی شہباز شریف کو مراسلہ جاری کر چکی تھی تاہم شہباز شریف کے مصروف ہونے کے باعث ان کے گھر نہیں گئی جس کے بعد ان نیب شہباز شریف سے سوالات اور پوچھ گچھ کے لیے کل ان کی رہائشگاہ جائے گی۔مریم نواز اس کیس میں کوٹ لکھیت جیل میں قید ہیں۔خیال رہے کہ نیب سابق وزیراعلی شہباز شریف کو آشیانہ ہاسنگ اسکینڈل اور رمضان شوگر ملز کیس میں ضمانت پر رہا کیا گیا تھا۔۔ لاہور ہائیکورٹ نے آشیانہ ہاسنگ اسکیم اور رمضان شوگر ملز کیس میں سابق وزیراعلیٰ شہباز شریف کی ضمانت منظور کرتے ہوئے انہیں رہا کرنے کا حکم دیا تھا۔ لاہور ہائی کورٹ نے شہبازشریف کو10،10لاکھ کے 2 ضمانتی مچلکے جمع کرانے کی ہدایت بھی کی۔خیال رہے کہ ویسٹ میجمنٹ کمپنی میں اربوں روپے کرپشن کا انکشاف ہوا تھا۔ا۔لاہور ویسٹ مینجمنٹ کمپنی میں بڑے پیمانے پر بے ضابطگیاں سامنے آنے پر کمپنی کا فرانزک آڈٹ شروع کیا گیا تھا۔سابق صوبائی وزیر کا کہنا تھا کہ فرانزک آڈٹ کیدوران 7سال کی تحقیقات کی جارہی ہیں۔فرانزک آڈٹ رپورٹ کے بعدجوبھی ملوث ہواسخت ایکشن لیاجائیگا۔
