اسلام آباد( آن لائن ) بھارت کے یوم آزادی پر پاکستان بھر میں یوم سیاہ منایا جارہا ہے،کشمیری عوام سے اظہار یکجہتی کے لئے سرکاری عمارتوں پر قومی پرچم سرنگوں ہیں جبکہ شاہرادستور پر سیاہ جھنڈے لہرادیے گئے ہیں۔تفصیلات کے مطابق پاکستان بھر میں بھارت کے یوم آزادی کے موقع پر یوم سیاہ منایا گیا ۔
یوم سیاہ پر کشمیری عوام سے اظہاریکجہتی کے لئے اسلام آباد میں سرکاری عمارتوں پرقومی پرچم سرنگوں کردیئے گئے۔ایوان صدر، وزیراعظم آفس، سپریم کورٹ کی عمارتوں پرقومی پرچم سرنگوں ہیں پارلیمنٹ ہاس پربھی قومی پرچم سرنگوں ہے جبکہ شاہرادستور پر سیاہ جھنڈے لہرا دیے گئے ہیں، صوبائی حکومتوں نے بھی یوم سیاہ منایا ۔آزاد کشمیر سمیت ملک بھر کے شہروں، دیہاتوں اور گلی محلوں میں احتجاجی مظاہرے کیے جا رہے ہیں اور ہر طرف کشمیر بنے گا پاکستان کے نعروں کی گونج ہے۔یوم سیاہ کے موقع پر وزیراعظم عمران خان، وزیر خارجہ شاہ محمود قریشی، وزیراعظم کی معاون خصوصی برائے اطلاعات فردوس عاشق اعوان، فواد چوہدری سمیت دیگر رہنمائوں نے احتجاجا اپنے ٹوئٹر اکانٹس کے ڈسپلے سیاہ کر دیئے ہیں۔دوسری جانب دنیا بھر میں پاکستانی آج کشمیر پر بھارتی قبضے کیخلاف آوازاٹھائیں گے اور کشمیرکی آزادی سلب کرنے والے بھارت کو پیغام دیا جائے گا۔وزیراعظم کے معاون خصوصی ذلفی بخاری اور وزیر ریلوے شیخ رشید کشمیر لندن میں ریلی میں شرکت کے لیے پہنچ گئے ہیں۔یاد رہے بھارت کی جانب سے مقبوضہ کشمیر کی خصوصی حیثیت ختم کرنے اور مقبوضہ وادی میں بھارتی فوج کے مظالم کے خلاف قومی سلامتی کمیٹی کے اجلاس میں فیصلہ کیا تھا کہ 15 اگست کو بھارت کا یوم آزادی یوم سیاہ کے طور پر منایا جائے گا۔
