اسلام آباد (نیوز ڈیسک) وزیراعظم عمران خان کی کامیاب خارجہ پالیسی کی بدولت پاک امریکہ تعلقات میں بڑی پیشرفت دیکھنے میں آئی ہے، پاکستان اور امریکہ کے درمیان براہ راست پروازیں چلانے کا امکان ظاہر کیا جارہا ہے، ذرائع کے مطابق امریکہ کے لیے پاکستان سے براہ راست پروازیں چلانے کے لیے نظام وضع کرنے کے لیے کام کا آغاز کر دیا گیا ہے،

دوسری جانب حکومتی ذرائع کا کہنا ہے کہ امریکی ہوم لینڈ سکیورٹی کا بارہ رکنی وفد پاکستان پہنچ گیا ہے، پاکستان میں پہلی بار امریکی ٹرانسپورٹ سکیورٹی اتھارٹی آئی ہے، ذرائع کا کہنا ہے کہ بارہ رکنی وفد جیسن شوبل کی قیادت میں پاکستان آیا ہے۔ یہ بارہ رکنی ٹیم 18جولائی کو کراچی میں ائیرپورٹ کا دورہ کرے گی۔ امریکی ٹرانسپورٹ سکیورٹی اتھارٹی کی یہ ٹیم بورڈنگ اور سکریننگ پراسس وغیرہ کا معائنہ کرے گی۔ بارہ رکنی یہ ٹیم پاکستان کے ائیرپورٹس نظام کو دیکھے گی اور تسلی بخش ہونے پر کلیئر کر دے گی اس کے بعد پاکستان سے امریکہ کے لیے براہ راست پروازوں کا آغاز ممکن ہو سکے گا۔ اس حوالے سے حکومتی ذرائع کا کہنا ہے کہ بہترین خارجہ پالیسی کی بدولت ایسا ممکن ہو پایا ہے کہ امریکہ پاکستان کیلئے براہ راست پروازوں کا آغاز کرے گا، اس سے قبل پاکستان سے امریکہ یا پھر امریکہ سے پاکستان آتے ہوئے پرواز کسی اور ملک میں رکتی تھی جس کی وجہ سے سفری وقت میں کئی گھنٹے اضافہ ہو جاتا تھا، اس فیصلے سے مسافروں کو انتظار کی زحمت نہیں کرنا پڑے گی اور وہ براہ راست پاکستان یا امریکہ جا سکیں گے۔ وزیراعظم عمران خان کی کامیاب خارجہ پالیسی کی بدولت پاک امریکہ تعلقات میں بڑی پیشرفت دیکھنے میں آئی ہے، پاکستان اور امریکہ کے درمیان براہ راست پروازیں چلانے کا امکان ظاہر کیا جارہا ہے، ذرائع کے مطابق امریکہ کے لیے پاکستان سے براہ راست پروازیں چلانے کے لیے نظام وضع کرنے کے لیے کام کا آغاز کر دیا گیا ہے