اسلام آ باد (مانیٹرنگ ڈیسک)پاکستان کی جانب سے ملائیشیا کے وزیراعظم مہاتیر محمد کو پاک ملائیشیا برادرانہ تعلقات اور پائیدار دوستی کے فروغ کے لئے ان کی شاندار خدمات کے اعتراف میں ملک کا اعلیٰ ترین سول اعزاز ”نشان پاکستان“ عطا کیا گیا۔ اس سلسلے میں ایوان صدر میں تقسیم اعزاز کی خصوصی تقریب منعقد ہوئی‘ملائیشیا کے وزیر اعظم نے اپنے پاکستانی
ہم منصب عمران خان کے ہمراہ ایوان وزیر اعظم کے سامنے سبزہ زار میں صنوبر کا پودابھی لگایا ۔ روزنامہ جنگ کے مطابق مہاتیر محمد نے عمران خان کو ’’پروٹون‘‘ کار تحفے میں دی۔مہا تیر محمد نے سرمایہ کاری سے متعلق کانفرنس میں عمران خان کو گاڑی کی چابی پیش کی جبکہ مہاتیرمحمد نے عمران خان کو تحفے میں کتاب بھی دی ہے۔ کتاب میں انسداد کرپشن کے طریقے بتائے گئے ہیں ۔
