جعفر آباد( آن لائن)ڈیرہ مراد جمالی میں ربیع کینال کے قریب ریلوے ٹریک پر دھماکے کے باعث جعفر ایکسپریس کی 5 بوگیاں پٹری سے اتر گئیں،حادثے میں4 مسافر جاں بحق اور متعدد زخمی ہو گئے۔پولیس ذرائع کے مطابق ڈیرہ مراد جمالی میں ربیع کینال کے قریب ریلوے ٹریک کو دھماکے سے اڑا دیا گیا ،جس کے باعث کوئٹہ
سے آنیوالی جعفر ایکسپریس کی5بوگیاں پٹری سے اتر گئیں۔حادثے میں4مسافر جاں بحق اور متعددزخمی ہو گئے۔دھماکے کے بعدٹرینوں کی آمدورفت معطل ہو گئی ،اطلاع ملتے ہی ریسکیو ایمرجنسی،پولیس سمیت دیگر ٹیمیں جائے حادثہ پر پہنچ گئیں۔سکیورٹی فورسز نے علاقے کو گھیرے میں لے کر سرچ آپریشن شروع کردیں۔
