خواتین وحضرات ۔۔ آج پنجاب اسمبلی میں پہلی مرتبہ ایک ایسا بل پیش کیا گیا جس پر اپوزیشن اور حکومت دونوں طرف سے کسی نے کوئی اعتراض نہیں کیا اور یہ بل تھا پنجاب اسمبلی کے ارکان کی تنخواہوں اور مراعات میں اضافے کا بل‘ سپیکر نے یہ بل (مکمل) اتفاق رائے کے بعد قائمہ کمیٹی کو بھجوا دیا‘ یہ وہاں سے ہو کر واپس آئے گا اور ۔۔اس کے بعد ایم پی اے کی تنخواہ تراسی ہزار سے

بڑھ کر دو لاکھ‘ ڈیلی الاؤنٹس ایک ہزار سے چار ہزار‘ ہاؤس رینٹ 29 ہزار سے 50 ہزار‘ یوٹیلٹی الاؤنس چھ ہزار سے بیس ہزار اور مہمان نوازی کا الاؤنس دس ہزار سے بیس ہزار ہو جائے گا‘ میں ذاتی طور پر سمجھتا ہوں آج کے حالات میں تراسی ہزار روپے کم ہیں‘ ۔۔ان میں اضافہ ہونا چاہیے ۔۔لیکن سوال یہ ہے کیا ملک کا کوئی عام اور غریب شخص ایم پی اے بن سکتا ہے‘ جی نہیں‘ یہ لوگ ٹھیک ٹھاک امیر ہوتے ہیں چنانچہ تنخواہ ۔۔ان کا ایشو نہیں ہوتا‘ یہ ۔۔اس کے بغیر بھی (گزارہ) کر سکتے ہیں ۔۔لیکن آپ پارلیمانی نظام کی خوبصورتی ملاحظہ کیجئے اسمبلی میں اگر امیر بلکہ امیر ترین ایم پی ایز کی تنخواہ کا ایشو آ جائے تو وہ حکومت اور اپوزیشن جو آج تک عوام کے کسی ایشو پر اکٹھی نہیں ہو ئی (اس) میں کوئی اختلاف رائے نہیں ہوتا‘ یہ کیا ہے! آپ اپنی تنخواہوں میں بے شک دس گناہ اضافہ کر لیں ۔۔لیکن کم از کم عوام کے کسی ایک ایشو پر بھی ۔۔اسی طرح اکٹھے ہو جائیں‘ آپ کبھی مزدور کی تنخواہ میں اضافے پر بھی اکٹھے ہو جائیں‘ آپ مہنگائی‘ بے روزگاری‘ تعلیم‘ صحت اور فضائی آلودگی کے ایشوز پر بھی اتنا ہی اتفاق رائے پیدا کر لیں لیکن آپ عوام کے ایشوز پر تقسیم ہیں اور اپنے ایشو پر اکٹھے ہیں‘ کیا یہ زیادتی‘ کیا یہ ظلم نہیں‘ آپ کم از کم ایک بار سوچئے گا ضرور۔ ہم آج کے موضوع کی طرف آتے ہیں ،بلاول بھٹو کی میاں نواز شریف کی عیادت ایک ٹھیک ٹھاک سیاسی واقعہ بن چکا ہے‘ یہ ملاقات حکومت کیلئے اتنی اہم کیوں ہے؟ یہ ہمارا آج کا ایشو ہوگا جبکہ ن لیگ اپنے قائد پر خاموش ۔۔لیکن پیپلز پارٹی بول رہی ہے ، پالیسی کا یہ فرق کیوں ہے؟ ہم یہ بھی ڈسکس کریں گے‘ ہمارے ساتھ رہیے گا۔