اسلام آباد(مانیٹرنگ ڈیسک)نواز شریف کے Thallium Scan Report میں انکشاف ہواہے کہ سابق وزیراعظم شدید قسم کے ہارٹ اٹیک کاشکارہیں اگربروقت علاج نہ کیا گیا توصورتحال خطرناک ہوسکتی ہے،روزنامہ جنگ میں شائع ایک رپورٹ کے مطابق انکودل اور پہلومیں شدیدبیماری لاحق ہے جس کامطلب ہے کہ ان کے دل کوخون کی فراہمی متاثرہورہی ہے اوراگربروقت کنٹرول نہ کیاگیاتو کسی بھی وقت ہارٹ اٹیک کاباعث بن سکتی ہے،راولپنڈی کےایک ماہر امراض قلب

کے مطابق رپورٹ میں نشاندہی کی گئی ہے کہ نوازشریف کے دل کے کچھ حصے بند ہیں جس کی وجہ سےآکسیجن والے خون کی سپلائی نہیں ہورہی جوہارٹ اٹیک کاباعث بن سکتی ہے،حکومت نے نوازشریف کے معائنہ کیلئے 5میڈیکل بورڈ تشکیل دئیے ہیں اور تمام نے تجویزدی ہے کہ نوازشریف کو دل کاعارضہ عرصہ دراز سے لاحق ہے اور اس کیلئے انہیں کسی ایسے ادارے یاہسپتال میں رکھا جائے جہاں 24گھنٹے دل کے امراض کے حوالہ سے سہولیات میسرہوں۔

موضوعات:نوازشریف