اسلام آباد (این این آئی)بھارتی میڈیا جھوٹ پر مبنی پروپیگنڈے سے باز نہ آیا۔ ذرائع کے مطابق بھارتی پائلٹ کی حوالگی میں تاخیر سے متعلق انڈین میڈیا کی خبریں جھوٹ پر مبنی ہیں،بھارتی پائلٹ ابھی نندن کو تاخیر سے انڈیا کے حوالے نہیں کیا گیاذرائع کے مطابق ابھی نندن کی بھارتی حکام کو حوالگی کے لیے رات 8 سے 9 بجے کا وقت طے تھا، ابھی نندن کی حوالگی کے لیے یہ وقت بھارتی درخواست پر طے کیا گیا تھا ۔

دریں اثناپاکستان نے بھارت کی ماحولیاتی جارحیت پراقوام متحدہ سے رجوع کرنے کا اعلان کردیا۔غیرملکی میڈیا کے مطابق پاکستان پر4 روزقبل بھارتی بمباری سے بالا کوٹ میں صنوبر کے درختوں کی تباہی پر اقوام متحدہ کو باضابطہ شکایت درج کرائیگا۔ پاکستان کا موقف ہے کہ درخت تباہ کر کے بھارت نے ماحولیاتی دہشت گردی پھیلائی۔بھارتی بمباری سے پاکستان میں نا صرف صنوبر کے درخت تباہ ہوئے بلکہ دونوں ممالک میں کشیدگی میں اضافہ بھی ہوا۔

موضوعات:بھارتی میڈیا