اسلام آباد( وائس آف ایشیا) بھارت کبھی کبھی جھوٹے دعوے کرنے سے باز نہیں آتا اور اپنی شکست تسلیم کرنے کی بجائے دوسروں پر ہٹ دھرمی سے الزام لگاتا رہتا ہے۔لیکن یہ حال بھارت کہ عام عوام کا نہیں بلکہ بھارت کے معروف اداکار بھی سب کچھ جانتے ہوئے آنکھوں پر پٹی باندھے رکھتے ہیں لیکن وفاقی وزیر اطلاعات فواد چوہدری نے بڑھکیں مارنے والے بالی وڈ ستاروں کی زبردست چھترول کر دی۔

بالی وڈ اداکارہ پریتی زنٹا نے ایک ٹویٹ میں دعویٰ کیا کہ بھارتی پائلٹ ابھینندن نے پاک فوج کا ایف 16 طیارہ گرایا ہے اور ساتھ مزید بھی کئی دعوے کیے۔ لیکن فواد چوہدری نے بھارتی اداکارہ کو اس کا خوب جواب دیا اور ٹویٹ کرتے ہوئے کہا کہ بالی وڈ والوں کا سب سے بہترین کام یہ ہوگا کہ وہ ہر اس معاملے میں اپنی ناک نہ گھسیڑیں جو ان کی سمجھ سے بالاتر ہے۔کیونکہ ان میں سے اکثریت ایسے لوگوں کی ہے جنہوں نے اپنا سکول بھی مکمل نہیں کیااور انہیں انتہائی بنیادی باتوں کا بھی نہیں پتہ۔فواد چوہدری نے یہ بھی کہا کہ جنگیں اتنا سنجیدہ موضوع ہیں کہ ان پر ایسے جوکرز کو تبصرہ نہیں کرنا چاہئے جو قسمت کے بل بوتے پر سلیبریٹرز بن جاتے ہیں۔ واضح رہے بھارت نے جنگی محاذ پر شکست کھائی تو اپنے جھوٹے دعووں کو ثابت کرنے کے لیے طرح طرح کے بھونڈے دعوے کر رہا ہے۔بھارت نے پاکستان کا ایف 16 طیارہ مار گرانے کا دعویٰ تو کیا لیکن اپنے اس دعوے کے حق میں کوئی ثبوت نہ پیش کر سکے۔ بھارت نے ایک تباہ شدہ طیارے کا پْرزہ دکھایا اور یہ ثابت کرنے کی کوشش کی کہ یہ پْرزہ اْسی ایف 16 طیارے کا ہے جسے بھارت نے تباہ کیا تھا لیکن یہ بھانڈا بھی ان کے اپنے ہی صحافیوں نے پھوڑا کہ یہ پاکستانی طیارہ نہیں ہے۔