کراچی(این این آئی) وفاقی وزیر برائے آبی وسائل فیصل واوڈا ایک بار پھر ایکشن میں نظر آئے اور پاکستانی پرچم اٹھائے لائن آف کنٹرول پر پہنچ گئے۔ وفاقی وزیر فیصل واوڈا ایل او سی کے قریب پہنچ گئے، تباہ شدہ بھارتی طیارے پر پاکستانی جھنڈے کے ساتھ ویڈیو پیغام جاری کر دیا۔ویڈیوپیغام میں انہوں نے کہاکہ میرے گھر میں گھس کر حملہ کرنے والا بھارت آج ہمارے پیروں کے نیچے ہے۔انہوں نے کہاکہ میں پاکستانی
ہونے کے ناطے اپنے فوجی جوانوں کو سلام پیش کرنے آیا ہوں۔وفاقی وزیرنے کہاکہ آج بھارت میرے پائوں کے نیچے ہے کیونکہ اس نے میرے گھر میں گھس کے وار کرنے کی کوشش کی تھی۔واضح رہے کہ فیصل واوڈا اپنے انوکھے انداز کے باعث سوشل میڈیا پر بحث کا موضوع بنے رہتے ہیں۔کبھی مہنگی گاڑیوں میں پارلیمنٹ آمد تو کبھی آپریشن ختم ہونے کے بعد جائے وقوعہ پر ہتھیار سمیت پہنچ جاتے ہیں۔
