راولپنڈی (این این آئی) پاک فوج کے ترجمان میجر آصف غفور نے واضح کیا ہے کہ پاکستان فوج کنٹرول لائن پر بھارت کے کسی بھی مس ایڈونچر کابھرپور جواب دینے کیلئے تیار ہے ٗپاکستانی افواج کے ہمہ وقت تیار رہنے کی وجہ کوئی جھوٹا بھارتی دعویٰ بیان بازی نہیں ٗ دونوں ممالک کے ڈی جی ایم اوز کا ہفتہ وار ہاٹ لائن رابطہ اور فلیگ میٹنگز معمول کے مطابق ہورہی ہیں ٗبھارتی میڈیا پر نظر آنے والی جنگی جنون کا سبب اندرونی سیاسی صورتحال ہے ۔ نجی ٹی وی کے مطابق ڈائریکٹر جنرل آئی ایس پی آر میجر جنرل آصف غفور نے کہا کہ
پاک فوج کنٹرول لائن پر بھارت کے کسی بھی مس ایڈونچر کابھرپور جواب دینے کیلئے تیار ہے۔ ترجمان پاک فوج نے کہا کہ پاکستانی افواج کے ہمہ وقت تیار رہنے کی وجہ کوئی جھوٹا بھارتی دعوی یا بیان بازی نہیں۔انہوں نے کہا کہ بھارت سے خطرہ مستقل ہے ٗبطور پروفیشنل آرمی اس کے لئے ہمیشہ تیار رہتے ہیں۔میجر جنرل آصف غفور نے کہا کہ بھارتی میڈیا پر نظر آنے والے جنگی جنون کا سبب اندرونی سیاسی صورتحال ہے۔انہوں نے کہاکہ دونوں ممالک کے ڈی جی ایم اوز کا ہفتہ وار ہاٹ لائن رابطہ اور فلیگ میٹنگزمعمول کے مطابق ہورہی ہیں۔
