لاہو ر(نیوز ڈیسک ) مسلم لیگ ن کے رکن قومی اسمبلی افضل ندیم کھوکھر کو سپریم کورٹ لاہور رجسٹری سے گرفتار کر لیا گیا، چیف جسٹس نے شفیع کھوکھر سے مکالمہ کرتے ہوئے تم نے پٹواریوں کو ساتھ ملا کر لوگوں کی زمینوں پر قبضہ کیا، انصاف بھی ہو گا اور پھائے بھی اسی عدالت سے لگو گے، آج تک جو کرتے رہے اس پر خدا کا خوف نہیں آیا، بیواوں اور یتیموں کی زمینیں ہڑپ کر گئے،

میں ہمیشہ سے تمہیں جانتا ہوں، بتا ارب پتی کیسے بنے۔منگل کو سپریم کورٹ لاہور رجسٹری میں زمینوں پر قبضے کے کیس کی سماعت ہوئی۔ عدالت نے افضل کھوکھر کی زمینوں کو یکجا کرنے والے کنسولیڈیشن کلیکٹر، تحصیلدار اور پٹواری کو پیش کرنے کا حکم دیا اور شفیع کھوکھر کو ڈی جی اینٹی کرپشن کے حوالے کیا۔ چیف جسٹس نے کہا شفیع کھوکھر سے تفتیش کر کے آج ہی رپورٹ دیں، آپ گھبرائیں مت گرفتار نہیں کیا جا رہا صرف تفتیش کرنی ہے۔ چیف جسٹس نے شفیع کھوکھر سے مکالمہ کرتے ہوئے تم نے پٹواریوں کو ساتھ ملا کر لوگوں کی زمینوں پر قبضہ کیا، جس پر شفیع کھوکھر نے کہا مجھے آپ سے انصاف کی توقع ہے۔ چیف جسٹس نے ریمارکس دیئے کہ انصاف بھی ہو گا اور پھائے بھی اسی عدالت سے لگو گے، آج تک جو کرتے رہے اس پر خدا کا خوف نہیں آیا، بیواوں اور یتیموں کی زمینیں ہڑپ کر گئے۔چیف جسٹس نے ریمارکس دیئے کہ میں ہمیشہ سے تمہیں جانتا ہوں، بتا ارب پتی کیسے بنے، آپ لوگ اپنے علاقے کے بادشاہ بنے ہوئے تھے آپ کے خلاف لوگ عدالت جانے سے ڈرتے تھے، سب سے پہلے انصاف ان مسکینوں کے ساتھ ہو گا جن کی زمینیں آپ ہڑپ کر گئے، 1977 میں نیاز بیگ سکیم منظور ہوئی اس کے بعد کس قانون کے تحت 2014 میں افضل کھوکھر کی زمین یکجا کی گئی، پہلے زمینوں پر قبضہ کیا بعد میں کنسولیڈیشن کروا لی۔