اسلام آباد (مانیٹرنگ ڈیسک) پاکستان کے اقتصادی حب کراچی کو آج دہشتگردوں نے نشانہ بنایا ہے اور اپنے مذموم مقاصد کی تکمیل کیلئے دہشتگردوں نے چینی قونصلیٹ کا انتخاب کیا تھا۔ دہشتگردوں نے چینی قونصلیٹ پر آج صبح ساڑھے 9بجے کے قریب حملہ کیا۔ اس حملے کی ذمہ داری اب دہشتگرد تنظیم کالعدم بلوچ لبریشن آرمی نے قبول کر لی ہے۔
برطانوی نشریاتی ادارے بی بی سی فون پر بات کرتے ہوئے دہشتگرد تنظیم کالعدم بلوچ لبریشن آرمی کے ایک ترجمان جیہاند بلوچ کا کہنا تھا کہ ان کے مجید بریگیڈ کے تین فدائین اس کارروائی میں شامل تھے۔انہوں نے کہا کہ یہ چین کے لیے ایک تنبیہہ ہے کہ وہ ہماری زمین پر قبضے کی کوشش چھوڑ دے ورنہ مستقبل میں اسے مزید سنگین معاملات کا سامنا کرنا پڑے گا۔
