مانچسٹر(مانیٹرنگ ڈیسک)لاہور سے مانچسٹر پہنچنے والے پاکستان مسلم لیگ (ن )برطانیہ کے صدرزبیر گل کے بیٹے کوائرپورٹ سے گرفتارکرلیاگیا ہے ۔سلمان گل پر ہتھیاررکھنے اور 7کروڑ روپے مالیت کے قیمتی زیورات کی غیرقانونی فروخت کا الزام ہے۔تفصیلات کے مطابق پاکستان مسلم لیگ (ن) برطانیہ کے صدر زبیر گل کے صاحبزادے سلمان گل گزشتہ روز لاہور سے مانچسٹر روانہ ہوئے،جنہیں مانچسٹر ایئر پورٹ پر پہنچے پر برطانوی شہرمانچسٹر میں نیشنل کرائم ایجنسی
نے گرفتار کر لیا گیا ۔نیشنل کرائم ایجنسی کے مطابق ملزم پر ہتھیاررکھنے اور 7کروڑ روپے مالیت کے قیمتی زیورات کی غیرقانونی فروخت کا الزام ہے،49 مہنگے زیورات بھی ضبط کیے گئے۔برطانوی پولیس ہتھیار رکھنے کے الزام میں سلمان گل کو اگست سے تلاش کررہی تھی، زیورات ہیرڈزسے خریداری کرنیوالی خاتون کی بیٹی کے نا م سے آکشن میں نیلام کیے جارہے تھے۔ضبط کیے جانے والے زیورات کی مالیت پاکستانی روپوں میں تقریبا سات کروڑبنتی ہے۔
