اسلام آباد(مانیٹرنگ ڈیسک)آسیہ مسیح کی رہائی کیخلاف مشتعل مظاہرین اسلام آباد کے ریڈ زون ڈی چوک پر پہنچ گئے ۔نجی ٹی وی کے مطابق مظاہرین کی ایک بہت بڑی تعداد وہاں پہنچ چکی ہے اور لاؤڈ سپیکرز کے ذریعے تقاریر کا سلسلہ جاری ہے ۔امن وامان نافذ کرنے والے اداروں نے علاقے کو گھیرے میں لے لیا ہے ،معلوم ہوا ہے کہ جڑواں شہروں سے مظاہرین
کی بہت بڑی تعداد نے ڈی چوک کا رخ کررکھا ہے جو کسی بھی وقت ڈی چوک پر پہنچ سکتے ہیں ،حالات کی کشیدگی کے سبب موبائل سروس صبح 8بجے سے بند ہے ۔دوسری جانب انٹرنیٹ سروس بھی معطل ہے ۔دوسری جانب وفاقی وزیر اطلاعات فواد چوہدری نے کہا ہے کہ حالات کنٹرول میں ہیں کسی کو قانون ہاتھ میں لینے کی اجازت نہیں دی جائیگی۔
