اسلام آباد (مانیٹرنگ ڈیسک) گلف نیوز نے شائع کردہ آرٹیکل میں پاکستانی میڈیا کے رویے کو غیر ذمہ دار قرار دے دیا۔تفصیلات کے مطابق اپنے ایک آرٹیکل میں گلف نیوز کا کہنا ہے کہ جب بھی ہم پاکستانی میڈیا کو دیکھتے ہیں تو ہمیں کچھ اس طرح کے جملے دیکھنے کو ملتے ہیں کہ پاکستانی حکومت اچھا کام نہیں کررہی ،وزیر اعظم اپنے وعدوں کو پورا کرنے میں ناکام رہے ہیں،پاکستانی معیشت کے لیے حکومت کے پاس کوئی پلان نہیں ،نئی حکومت یوٹرن پر یوٹرن لے رہی ہے۔گلف نیوز کا کہنا تھا کہ پاکستانی میڈیا

اس طرح کے جملوں اور الزامات سے بھرا پڑا ہے۔ناقدین یہ بھی نہیں سوچتے کہ وزیر اعظم عمران خان کو آئے صرف 2 ماہ ہوئے ہیں نہ کہ 2 سال ۔ان کا کہنا تھا کہ میڈیا ذاتی آراء اور تبصروں کو حقائق بنا کر پیش کر رہا ہے۔گلف نیوز کا یہ بھی موقف تھا کہ پاکستانی میڈیا اپوزیشن کی جانب سے دئیے جانے والے بیانات کو اٹھا کر اسی بنیاد پر نئی حکومت کی کارکردگی کو جانچنے لگ جاتا ہے۔اس ساری تحریر کا عنوان تھا کہ وزیر اعظم عمران خان پر تعصب بھرے حملے کرنے والے پاکستان کے ساتھ نیکی نہیں کررہے۔

موضوعات:عمران خان گلف نیوز