خواتین وحضرات ۔۔فورڈ کمپنی گاڑیاں بنانے والی دنیا کی سب سے (پرانی) کمپنی ہے‘ یہ کمپنی ہنری فورڈ نے 1903ء میں بنائی تھی ‘(اس) نے جب گاڑیاں بنانے کا کارخانہ لگایا تو (اس وقت) امریکا میں سڑکیں تھیں‘ سگنل تھے اور نہ ہی ٹریفک لاز تھے‘ کچے راستوں پر(اس وقت) گھوڑوں کی لید پڑی ہوتی تھی‘ ہنری فورڈ نے ٹریفک لاز‘ سگنلز اور پکی سڑکوں کا انتظار کرنے کی بجائے موٹر کارز بنانا شروع کر دیں اور ۔۔ان کاروں نے پوری دنیا کی معاشرت بدل دی‘ فورڈ آج بھی

سالانہ 66 لاکھ گاڑیاں بناتی ہے‘ دو لاکھ ملازمین ہیں اور ۔۔اس کے اثاثے دو سو ستاون ارب ڈالر ہیں‘ ہنری فورڈ نے یہ کمپنی صرف ایک فلاسفی پر بنائی تھی‘ وہ کہا کرتا تھا ‘صرف نقص نہ ڈھونڈو‘ مسئلے کا حل تلاش کرو‘ کاش ہمارے وزیراعظم نے ہنری فورڈ کو پڑھا ہوتا تو یہ آج 90 ملکوں کے پونے چار ہزار سرمایہ کاروں کے سامنے پاکستان کے نقص بیان نہ کر رہے ہوتے سعودی عرب میں عالمی سرمایہ کاری کانفرنس سے خطاب کے دوران انہوں نے بتایا کہ سرمایہ کاری متاثر ہونے کی بڑی وجہ دہشت گردی کے خلاف جنگ تھی ،وزیراعظم عمران خان کا کہنا ہے کرپشن ہی ترقی یافتہ اور ترقی پذیر ممالک میں فرق ہے، مشکل صورتحال سے نکلنے کیلئے قرض کی ضرورت ہے، آئی ایم ایف اور دوست ممالک سے قرض کیلئے بات کر رہے ہیں، قرضوں کی ادائیگی کیلئے مزید قرضوں کی ضرورت ہے۔ انہوں نے کہا پاکستان کو کرنٹ خسارے کا سامنا ہے، 5 سے 6 ماہ مشکلات کا سامنا رہے گا۔ میرا خیال ہے وزیراعظم ابھی تک اپوزیشن موڈ میں ہیں‘ یہ‘ یہ تک بھول گئے ہیں یہ سرمایہ کاروں کو سرمایہ کاری کی دعوت دینے کیلئے ریاض گئے ہیں اور یہ جب دنیا کو خود بتائیں گے ہم قرضوں پر امید لگا کر بیٹھے ہیں اور ملک کرپشن سے کھوکھلا ہو چکا ہے تو پھر کون بے وقوف یہاں انویسٹمنٹ کرے گا‘ آپ کو اب نقص نکالنے سے باہر آنا ہو گا اور

آپ کو ہنری فورڈ کی طرح حل تلاش کرنا ہو گا اور مسئلوں کا پہلا حل اچھی وکالت ہوتا ہے‘ آپ کچھ نہیں کر سکتے تو آپ کم از کم ملک کی اچھی وکالت تو کر سکتے ہیں‘ہم آج کے موضوعات کی طرف آتے ہیں ۔ اپوزیشن حکومت کے خلاف اکٹھی ہو رہی ہے‘ مولانا فضل الرحمن اے پی سی بلوائیں گے اور دونوں بڑی جماعتیں ۔۔اس میں شامل ہو کر نئے اتحاد کا اعلان کریں گی‘ کیا وہ اتحاد حکومت ۔۔گرا سکے گا‘ کیا حکومت شاہد خاقان عباسی سے مناظرے کیلئے تیار ہے اور فیصل ووڈا نے اٹھارہویں کو چیلنج کر کے ایک نیا بحران پیدا کر دیا۔ یہ تمام ایشوز ہمارے آج کے پروگرام کے موضوعات ہوں گے ہمارے ساتھ رہیے گا۔