اسلام آباد( آن لائن ) اورسیز پاکستانیوں کی جانب سے دیامر بھاشا ڈیم اور مہمند ڈیمز کی تعمیر کیلئے قائم کر دہ فنڈ میں عطیات دینے کا سلسلہ جاری ہے اس سلسلے میں لندن میں مقیم ایک فیملی مسٹر اور مسز احمد کی جانب سے 12ہزار پاؤنڈ کا چیک چیف جسٹس آف پاکستان جسٹس میاں ثاقب نثار کو

بطور عطیہ بھیجا گیا ہے ۔واضح رہے کہ گزشتہ رات وزیر اعظم عمران خان نے گورنر  ہائوس سندھ میں فنڈ ریزنگ تقریب میں شرکت کی تھی جہاں انہیں 56 کروڑ روپے دینے کی یقین دہانیاں کرائی گئی تھیں۔اس وقت تک ڈیمز فنڈ میں 3 ارب روپے سے زائد کے عطیات جمع ہو چکے ہیں ۔