کراچی(سی پی پی )پاکستان پیپلزپارٹی کے مرکزی سیکرٹری اطلاعات سنیٹرمولابخش چانڈیو نے کہاہے کہ وزیراعظم عمران خان قوم کے ساتھ جھوٹے وعدے اور غلط بیانیاں کرتے رہے،پہلے 25دنوں میں ہی اپنے وعدوں سے مکر گئے ہیں۔ اپنے ایک بیان میں انہوں نے کہاکہ وزیراعظم کا100دن کا وعدہ تھا اور پہلے ماہ ہی خود 100دنوں کو 730دنوں تک بڑھا دیا ہے۔انہوں نے کہاکہ سادگی کے نام پر ایک اور ڈھونگ رچا
کر عوامی نمائندوں کے منصب کی توہین کی جا رہی ہے،خان صاحب نے قوم کو چند دنوں میں حالات بہتر کرنے کے خواب دکھائے تھے، دنوں میں تبدیلی لانے والے اب کہتے ہیں کہ ملک چلانے کیلئے پیسے نہیں ہیں۔مولابخش چانڈیو نے کہاکہ وزیراعظم عمران خان نے کہاکہ تھا کہ پروٹوکول نہیں لیں گے، اب تمام ریکارڈ توڑ رہے ہیں۔ابھی تو ان کا ہنی مون بھی پورا نہیں ہوا اور ابھی سے چہرے سے میک اپ اترنا شروع ہو گیا ہے۔
