اسلام آباد(مانیٹرنگ ڈیسک) پاکستان کی جغرافیائی اہمیت ، تحریک انصاف کی حکومت نے سی پیک کو وسعت دینےکا اعلان کر دیا، سی پیک کو پوری دنیا کے ممالک کیلئے کھولنے کی خواہش کا اظہار۔ تفصیلات کے مطابق وفاقی وزیرمنصوبہ بندی خسروبختیار نے کہا ہے کہ سی پیک کے دائرہ کار میں وسعت پر پاکستان اور چین متفق ہیں۔ اسلام آباد میں میڈیا سے گفتگو کرتے ہوئے فاقی وزیرمنصوبہ بندی کا کہنا تھا کہ ملک میں صنعتوں کی ترقی کیلئے مؤثر اقدامات کرنا ہوں گے، سی پیک کو پوری دنیا کے ممالک کے لیے
کھولا جانا چاہیے۔انہوں نے کہا کہ چینی وفد کےساتھ فیصلہ کیا ہے کہ نیا ورکنگ گروپ بنایا جائے، پاکستان کی جغرافیائی حیثیت اہمیت کی حامل ہے، سی پیک کے تحت جاری منصوبے مقررہ وقت پر مکمل ہوں گے۔خسرو بختیار کا مزید کہنا ہے کہ موٹر وے اور اورنج لائن کے بجائے ایم ایل ون منصوبہ انتہائی اہمیت کا حامل ہے، اس منصوبے کی تکمیل کے لیے9ارب روپے درکار ہیں۔وفاقی وزیر منصوبہ بندی نے یہ بھی کہا کہ چین کے دورے کے دوران حکام سے ملاقات میں ایم ایل ون منصوبے کی تجاویز پیش کروں گا۔
