لاہور (مانیٹرنگ ڈیسک)انتخابی نتائج روکے جانے پر عمران خان اس مہینے حلف لیتے نظر نہیں آ رہے۔معروف صحافی رؤف کلاسرا کا دعویٰ۔نجی ٹی وی پروگرام میں گفتگو کرتے ہوئے انہوں نے کہا کہ الیکشن کمیشن کے ذمے 5سال بعد ایک الیکشن کروانا ہوتا ہے۔پورے پانچ سال میں ان کی ایک یہ ڈیوٹی ہے۔لیکن الیکشن کمیشن سے ایک دن کا کام بھی نہیں ہوا۔قومی و صوبائی اسمبلیوں کے کچھ حلقوں کے نتائج روکے جانے پر انہوں نے کہا کہ ایسا لگتا ہے

کہ عمران خان کی حکومت اس ماہ نہیں بن پائیگی کیونکہ عمران خان تو پیشیاں بگھتیں گے۔جب کہ صحافی عامر متین کا کہنا ہے کہ الیکشن کمیشن کی وجہ سے موجودہ الیکشن خطرے میں پڑ سکتا ہے۔یاد رہے گذشتہ روز الیکشن کمیشن نے قومی و صوبائی اسمبلی کے امیدواروں کے نوٹیفکیشن جاری کر دیے تھے۔عمران خان کے دو حلقوں سمیت27 امیدواروں کی کامیابی کے نوٹیفکیشن روکے گئے تھے۔جس پر تحریک انصاف کی جانب سے تحفظات کا اظہار بھی کیا گیا تھا۔

موضوعات:روف کلاسرا عامر متین